Англи хэл дээр дуулан уран бүтээлээ туурвидаг “Сүндэръяа” хамтлаг анхны бие даасан цомгоо энэ сарын эхээр өлгийдөн авчээ. “No doors castle” нэртэй 10 дуутай шинэ цомог нь Hi-Fi, Orange дэлгүүрүүдээр худалдаалагдаж байгаа юм.  Цомгийн дизайн дээр “Алаг” фото студи, “Монгол дизайн” хамтран ажилласан бол дуунуудаа Дашка студи болон “DX” продакшн дээр хийлгэжээ. Тус цомогт анхны уран бүтээл нь болох “I don’t  blame”, “Control” зэрэг дуунууд нь багтсан байна. Харин тэд дараагийн шинэ уран бүтээлээ софт рок талдаа хөнгөхөн аязтай хийхээр төлөвлөөд байгаа аж.

Мөн тэд “Teenage trouble”, “Hate” дуугаа дүрсжүүлж байгаа ба тун удахгүй үзэгчдийн хүртээл болох гэнэ. Эл цомог нь Монголдоо анх удаа хадмал орчуулгатай гарч байгаа цомог бөгөөд тус хамтлагийнхан вэб сайтдаа болжээ. Та www.sunderia.com хаягаар зочлон тус хамтлагийн талаар илүү ихийг мэдэж болохоос гадна шинэхэн цомгийг худалдан авч болох юм байна. Энэхүү цомог арван мянган төгрөгөөр худалдаалагдаж байгаа юм.