Монголын дартсын холбооноос сар бүр зохион байгуулдаг дартсын тэмцээний хоёрдугаар сарын лигийн тэмцээний сонгон шалгаруулалт өчигдөр болж, нийт 24 тамирчин оролцсоноос 13 тамирчин шалгарч, энэ сарын 26-нд болох хоёрдугаар сарын лигийн тэмцээнд өрсөлдөх эрхээ авлаа. Өмнөх нэгдүгээр сарын тэмцээний зоноос 1, 2-оор шалгарсан нийт 12 эрэгтэй, найман эмэгтэй тамирчин дээр нэмэгдэж, нийт 45 тамирчин хоёрдугаар сарын лигийн тэмцээнд өрсөлдөх юм. Тэмцээн энэ сарын 26-нд California pub-т болох бөгөөд тамирчид тэмцээн болгонд үзүүлсэн амжилтаасаа хамаарч, оноо цуглуулах дүрэмтэй. Улмаар хамгийн өндөр оноо цуглуулсан эрэгтэй 16, эмэгтэй найман тамирчин жилийн эцэст буюу арванхоёрдугаар сарын 18-нд болох Гран-при тэмцээнд оролцох эрхтэй болох юм.
С.Цэлмэг