Өнгөрсөн сарын дүнгээр Хятадад хамтарсан 2243 үйлдвэр байгуулах зөвшөөрөл авсан нь өнгөрсөн жилийн мөн үетэй харьцуулахад 20,2 хувиар өссөн байна. Орж ирсэн гадаадын хөрөнгө оруулалтын хэмжээ 23,4 хувиар өмнөх оны нэгдүгээр сараас өсөн 10,03 тэрбум ам.доллар болжээ. Энэ тухай Хятадын Арилжааны яамнаас мэдээлсэн байна.
Нэгдүгээр сард үйлчилгээний салбарт гадаадын хөрөнгө оруулалт 31,2 хувиар өсөн 4,69 тэрбум ам.доллар болсон бөгөөд нийт ашиглагдаж байгаа гадаадын хөрөнгийн 46,8 хувийг эзлэв.
Хятадын баруун бүс дэх гадаадын хөрөнгө оруулалт нь төвийн ба зүүн бүсээс давжээ. Баруун бүсэд 510 сая ам.доллар орж иржээ.
Энэ сарын дотор Хятадын хөрөнгө оруулагч нарын гадаад орнуудад хийсэн шууд хөрөнгө оруулалтын хэмжээ  2,74 тэрбум ам.доллар хүрч, дэлхийн 78 орны 489 үйлдвэр, аж ахуйн байгууллагыг хамарчээ.