Их Британийн Лондон хотноо өчигдөр болсон Монгол Улсын Үндэсний аюулгүй байдлын зөвлөлийн ажлын албаны дарга Б.Хурцыг Германы талд шилжүүлэх эсэхийг шийдвэрлэх анхан шатны шүүх хурал түүнийг Германы талд шилжүүлэх шийдвэр гаргажээ.

Шүүх хурлын шийдвэрийг шүүгч Парди танилцуулсаны дараа Б.Хурц давж заалдах эрхтэйг сануулсан бөгөөд Монголын тал давж заалдахаар болсон байна.

Шүүх хуралд ГХЯ-ын Төрийн нарийн бичгийн дарга Д.Цогтбаатар, Элчин сайд Б.Алтангэрэл, ГХЯ-ын Консулын газрын захирал Д.Ганхуяг, Тусгай үүрэг гүйцэтгэгч элчин сайд Ц.Болор, ЭСЯ-ны зөвлөх, консул Н.Батаа нар болон Б.Хурцын эхнэр, хүү нь оролцов. Тулгар биетэй байсан Б.Хурцын эхнэр Лондонд амаржиж дөрөв дэх хүүхдээ төрүүлсэн байна.