“Эрдэнэс Тавантолгой”   ХК-ийн IPO-г
хийх тендер зарласны дагуу дэлхийд нэр хүнд бүхий 16 хөрөнгө оруу­лалтын
банк саналаа ирүүлсэн. Тэд өнгөрсөн пүрэв гарагаас эхлэн энэ даваа
гараг хүртэл  “Эрдэнэс Тавантолгой”-н удирдлагуудад “шал­галт” өгсөн.
Харин энэ 16 банкнаас аль нь сонгогдох боломжтой байгааг “Эрдэнэс МГЛ”
компанийн гүйцэтгэх захирал, “Эрдэнэс Тавантолгой” компанийн гүйцэтгэх
захирлын үүрэг гүйцэтгэгч Б.Энэбишээс тодруулсан юм.

-Хөрөнгө оруулалтын банкаар ямар банк сонгогдох магадлалтай байна вэ?
-“Эрдэнэс Тавантолгой”-н хө­рөн­гийн биржид гаргах хувь­цаа­наас босгох
мөнгө олон тэрбум доллараар яригдаж байгаа. Тиймээс  нэг биш нэлээд
хэдэн хөрөнгө оруулалтын банк сонгох төлөвтэй байгаа. Одоогоор 3-4 банк
сонгоно гэсэн мэдээлэл л өгч чадна. Учир нь хөрөнгө оруулалтын банкийг
сонгон шалгаруулах ажил дуусаагүй байна. 

-Английн “Стандарт чартер” банк манайд салбараа нээхээр ажиллаж
байгаа. Тэгэхээр шал­гаруулалтад орсон энэ банк сонгогдох магадлалтай
гэж үзэж болох уу?
-Энэ, тэр банк сонгогдоно гэж нэрийг нь хэлэхэд цаг хугацааны хувьд эрт
байна. Үүнээс өөр мэдээлэл өгөх боломжгүй. Ямар банк сонгогдох нь
тодорхойгүй байна шүү дээ.

Р.Сарангоо сэтгүүлч                   Улстөрийн тойм