УИХ-ын чуулган завсарлаж, гишүүд хөдөө гадаа явсан биш Ерөнхийлөгчийн тамгын газар ажил ихтэй байдаг болов. ЕТГ-ын дэргэдэх Иргэний танхимд өдөр өнжихгүй хэлэлцүүлэг зохион байгуулж байна. Тухайлбал, өнөөдөр 14 цагт  Байгаль Орчны Mанлайлагч Xөтөлбөрийн нээлтийг Иргэний танхимд хийж,  Ерөнхийлөгчийн ахлах зөвлөх П.Цагаан “Дэлхийн хөгжлийн чиг хандлага, түүн дэх Монгол улсын орон зай 2020 онд” сэдвээр лекц унших гэнэ.