Сингапурт албан ёсны айлчлал хийж байгаа Монгол Улсын Ерөнхий сайд С.Батболдыг тус улсын Ерөнхийлөгч С.Натанд бараалхсаны дараа  Сингапурын Ерөнхий сайд Ли Сиен Лун гэргийн хамт Монголын Засгийн газрын тэргүүн болон түүний гэргий нарт зориулан  “Истана” ордонд хүндэтгэлийн зоог барилаа.

Дараа нь Монгол Улсын Ерөнхий сайд Сингапурын Хөрөнгийн биржтэй танилцсан бөгөөд айлчлалын бүрэлдэхүүнд МХБ-ийн Гүйцэтгэх захирлын үүрэг гүйцэтгэгч Х.Алтай оролцож байна. Сингапурын Хөрөнгийн бирж нь Азийн үүд гэгддэг бөгөөд Ази тивд тэргүүлдэг, дэлхийн шилдэг таван биржийн нэг юм. Сингапурын биржийн зах зээлийн үнэлгээ нь 700 их наяд ам.доллар юм байна.