Куба улсын ерөнхийлөгч асан Фидель Кастро тул арлын оронд өрнөж буй ард түмнээ “бүсээ чангалах” бодлогыг сайтар тайлбарлан таниулах ажил зохион байгуулахыг телевиз, радиогийн газарт хандан уриалжээ.

Фидель Кастро ”Кубад хэрэгжүүлж эхэлж байгаа эдийн засгийн өөрчлөлт, шинэчлэлтийн тухай үйл явцыг ард түмэнд сайтар ойлгуулах ажил зохиох шаардлага гарч байна” гэж кубын сэхээтнүүдийн төлөөлөгчидтэй уулзалт хийх үеэр мэдэгдсэн аж.

Кубын Коммунист намын VI их хурал эхлэхэд хоёрхон сарын хугацаа үлдээд байгаа тул тус арлын оронд олон арван жилийн туршид үргэлжилж буй эдийн засгийн хямралаас хэрхэн гарах асуудлыг нухацтай шийдэх ёстой гэж мэдэгджээ.