Тагнуулын ерөнхий газрын мөрдөн байцаах албаныхан Сөрөх тагнуулын албанд гурван жил ажилласан Б.Няммандахыг төрийн нууцад хамаарах баримт бичиг задруулсан гэх үндэслэлээр Эрүүгийн хуулийн тусгай ангийн 87-оор зүйлчлэн хэрэг үүсгэн шалгаж буй аж. Зарим эх сурвалжийн мэдээллээр Б.Няммандах нь  ТЕГ-ын Сөрөх тагнуулын албанд ажиллаж байхдаа гадаадын тагнуулын байгууллагад мэдээлэл дамжуулж, эх орноосоо урвасан  гэх үндэслэлээр шалгагдаж байгаа тухай мэдээлэл байгаа ч албаны эх сурвалж  төрийн нууцад хамаарах баримт бичгийг итгэмжлэгдсэн төлөөлөгч  ажил үүргийн хувьд мэдсэн хэр нь  задруулсан гэх үндэслэлээр хэрэгт сэжигтээр татсан гэсэн мэдээллийг өгч байна.