Монгол Улсын Засгийн газрын Хэрэг эрхлэх газраас Аймаг, нийслэлийн Засаг даргын Тамгын газрын Хяналт-шинжилгээ, үнэлгээ хариуцсан ажилтануудад зориулсан “Засгийн газрын хяналт-шинжилгээ, үнэлгээний чадавхийг сайжруулах нь” сэдэвт эхний шатны сургалтыг 2010 оны долдугаар сарын 19-22-ны өдрүүдэд Төрийн ордонд зохион байгуулсан юм.
Дээрх сургалтын хоёр дахь шатны сургалт энэ сарын 21-25-ны өдрүүдэд Улаанбаатар хотод зохион байгуулагдах гэж байна. Өнөөдрөөс эхэлж буй уг сургалтад аймгийн Засаг даргын орлогч нар оролцох юм байна.
Уг шат дараалсан сургалтуудыг Монгол Улсын Засгийн газрын Хэрэг эрхлэх газар, Швейцарийн хөгжлийн агентлаг, Хүний аюулгүй байдлын судалгааны төв, Монголын мянганы сорилтын сан хамтран зохион байгуулж байгаа юм.