Төв аймаг энэ жилийг бүтээн байгуулалт хөрөнгө оруулалтын жил болгон зарласан. Тиймээс жилийн хүрээнд гадаад дотоодын хөрөнгө оруулагчдын чуулга уулзалтыг аймагтаа зохион байгуулахаар төлөвлөөд байна. Харин энэ удаагийн гадаад, дотоодын хөрөнгө оруулалтын чуулга уулзалтыг Бүсчилсэн хөгжлийн үндэсний хороо, Үндэсний хөгжил шинэтгэлийн хороо, Гадаад харилцааны яам, Гадаадын хөрөнгө оруулалтын газар, Германы техник хамтын ажиллагааны нийгэмлэг болон бусад холбогдох байгууллагуудын дэмжлэгтэйгээр зохион байгуулах юм.

Энэ удаагийн чуулга уулзалтыг жишиг болгон зохион байгуулах юм. Тиймээс энэ сарын 25-нд чуулга уулзалтыг зохион байгуулах ажлын хэсэг чуулга уулзалтанд оролцох бизнесийн төлөөлөл, ТББ-уудын уулзалт зөвлөгөөн болно. Мөн эдгээр ажлын хэсгийнхэнд Германаас төлөөөлөгчид ирж сургалт зохион байгуулах юм байна. Дашрамд хэлэхэд өнгөрсөн жилийн гадаадын хөрөнгө оруулалтын чуулга уулзалтанд Төв аймгаас 20 гаруй төсөл оролцож байсан.