Засгийн газраас баталсан “Монгол бичгийн үндэсний хөтөлбөр-ийг хэрэгжүүлэх ажлын хүрээнд монгол бичгийг сургалтад ашиглах программ зохиож дуусчээ. Ерөнхий боловсролын сургуульд цахим мэдээллийн UNICODE-д тулгуурласан монгол бичгийг сургалтад ашиглах иж бүрэн программ хангамж боловсруулах ажлыг БСШУЯ, ШУТИС-ийн хамтарсан гэрээний үндсэн дээр амжилттай гүйцэтгэсэн байна. Түүнчлэн программыг CD-д бичиж, 5000 хувь хэвлэн аймаг, нийслэлийн ерөнхий боловсролын сургуульд түгээх ажил эхэлжээ. Мөн олон нийт, иргэдийг монгол бичигт сургах, тус программыг БСШУЯ-ны веб сайтад байршуулах, хэрэглэгч татаж авах боломжийг бүрдүүлэхээр ажиллаж байгаа аж.
С.Отгон