Бамбарын галаас хичнээн цучил асаавч түүний гал буурахгүй. Түүний адил аз жаргалыг хичнээн хуваасан ч тэр бас дундрахгүй. Ингэж ухаарваас гэгээрэл болно. Бид бүгдээрээ гэгээрэх юмсан. Ертөнцийн бүх хүн гэгээрээсэй.

Энэ бүхнээс та зохиолчын санааг ойлгосон гэж найдаж байна. Тэрбээр “Сэтгэл гэгээрээсэй” нэртэй энэ номондоо хүмүүс яаж аз жаргалтай сайн сайхан амьдрахын тулд зовлонгийн эх үүсвэр болсон шунал, хүсэл, тэнэг зан, уур омог, бардам зангаа хязгаарлаж чадваас сая нэг гэгээрэлд хүрэх зам хүн бүхэнд байдаг тухай өгүүлжээ. Мөн өөрийн найз нөхөд гэр бүл үр хүүхэдтэйгээ гадаад дотоодын олон улсаар явж үзсэн харсан зүйлээ уран яруугаар өгүүлсэн байна.