Тайванийн HTC компани таблет үйлдвэрлэлийн талбарт шинээр бүтээгдэхүүн үйлдвэрлэж, өрсөлдүүлэлгүй, нэг хэсэгтээ нам жим байсан билээ. Харин тус компани шинэ загварын таблетыг боловсруулж, Flyer хэмээн нэрлэж, зах зээлд худалдаанд гаргах өдрийг тун удахгүй товлох гэж байгаа тухайгаа саяхан зарлалаа.
Энэ удаагийн Flyer таблет нь Android 2.3 /Gingerbread/ үйлдлийн системтэй бөгөөд HTC-ийн цоо шинэ хэв маягийг илэрхийлэх гэнэ. Flyer нь Qualcomm Snapdragon процессор, 1GB-ийн RAM, 1024 x 600 ялгаралтай, 7 инчийн мэдрэгчтэй дэлгэц, нүүрэн талдаа 5 мегапикселийн камертай юм. Түүнчлэн уг таблет нь мэдээлэл болон Skype ярианд зориулсан 3G систем, HDMI, DLNA холболттой ажээ.