Nintendo шинэхэн 3DS зөөврийн видео тоглуулагчийг хэд хэдэн тоглоомын хамт зах зээлд удахгүй танилцуулах гэж байна. Тэдгээр тоглоомуудаас онцлох нь Sega-ийн Super Monkey Ball юм. Nintendo 3DS-ийг ирэх гуравдугаар сарын 25-нд Их Британид албан ёсоор худалдаалж эхлэх бөгөөд үнийн хувьд 200 фунт стерлингээс доош үнэтэй байх ажээ.

Энэхүү тоглуулагч нь 3D дэлгэцтэй болсон ба өөр нэгэн онцлог нь тоглоомын удирдлагын хэсэг илүү сонголт сайтай болж, тоглогчид Circle Pad эсвэл гироскопоор удирдаж тоглох эсэхээ өөрсдийн сонирхлоор сонгох боломжтой болжээ.