2009 онд Завхан аймгийн хэмжээнд 420 төрийн үйлчилгээний удирдах болон захиргааны албан хаагч Авлигатай тэмцэх газарт  хөрөнгө орлогын мэдүүлгээ гаргаж өгч  байжээ. Гэтэл өнгөрсөн 2010 онд энэ тоо  466 болж 46 албан тушаалтан нэмэгдсэн байна. 

Учир нь сум бүрт  мал эмнэлэг үржлийн тасаг байгуулагдаж ,  дарга,  мэргэжилтэн гэсэн орон тоо шинээр бий болсонтой холбоотой гэнэ. Цаашид төрийн захиргааны албан хаагчийн хөрөнгө орлогын мэдүүлгийн талаар мэдээлэл авах хүсэлтэй ямар ч иргэд аймгийн ЗДТГ-ын Хууль зүйн хэлтэс дээр хүрэлцэн  ирж  хүссэн  мэдээлэлээ авч болох юм байна.