Зэвсэгт хүчний 90, Монголын сэтгүүлчдийн байгууллагын 60 жилийн ойг угтаж хамтран зохион байгуулж буй “Бид үзэг, зэвсэгт нэгт нөхөд” өдөрлөг өнөөдөр болно. Тус өдөрлөгийн хүрээнд Зэвсэгт хүчний жанжин штабын дарга, дэслэгч генерал Ц.Бямбажав болон Батлан хамгаалах яам, Зэвсэгт хүчний жанжин штабын удирдлагууд хэвлэл, мэдээллийн байгууллагын сэтгүүлчидтэй харилцан санал бодлоо солилцохоос гадна Зэвсэгт хүчний бодлого, үйл ажиллагааг танилцуулах юм. Мөн энэ үеэр сэтгүүлчдийн дунд буудлагын тэмцээн зохион байгуулахаар төлөвлөөд байгаа гэнэ.

Д.Долгор