Google корпораци шинэ үеийн таблетуудад зориулсан Android 3.0 үйлдлийн систем буюу Honeycomb-ийг ирэх хоёрдугаар сарын 2-нд танилцуулах гэж байна. Урьдчилсан байдлаар Honeycomb-ийн туршилтын загварыг Nook Color дээр туршсан бөгөөд туршилтын бичлэгийг YouTube дээр тавьсан байна.

Android 3.0 үйлдлийн систем нь хэрэглэгчдэд хүргэхэд аль хэдийн бэлэн болсон бөгөөд Honeycomb үйлдлийн системтэй Nook Color-ийг сонирхох техникийн хорхойтнууд огцом нэмэгдсээр байна. Honeycomb системтэй Nook Color нь боломжийн үнэтэй төдийгүй загвар хийцээрээ хэнийг ч татаж чадах таблетийн нэг төрөл болж чаджээ.