Монгол Улсын хөдөлмөрийн хөлсний    доод хэмжээ  108 мянга. Нэг цагаар тооцвол 425-хан төгрөгөөр цалинждаг гэсэн үг юм. Хөдөлмөрийн бүтээмжийн үнэлгээ манай оронд дэндүү бага байна гэсэн судалгааг Нийгмийн хамгаалал хөдөлмөрийн яамнаас гаргасан байна.  Мөн манай улсад эрчүүд эмэгтэйчүүдээс илүү өндөр цалин авдаг аж.

Энэ нь эрчүүд батлан хамгаалах, уул уурхай зэрэг салбаруудад илүү олноор ажилладагтай шууд холбоотой гэнэ. Тиймээс эмэгтэйчүүд, эрчүүдээс 13.5 хувиар бага цалин авч байна гэсэн судалгааны дүн гарчээ. Эмэгтэйчүүдийн тухайд  эрүүл мэндийн байгууллага, худалдаа үйлчилгээ, нийгмийн халамж үйлчилгээ, зоогийн газар, буудал зэрэг үйлчилгээний салбаруудад ажилладаг. Харин эдгээр салбарын цалингийн үнэлгээ муу байдаг гэнэ. Мөн   иргэдийг ажилд авахдаа  нас хүйс, бие галбир, царай зүсээр нь ялгаварлан гадуурхах  хандлага  ажил олгогчдоос  багагүй гардаг. Ийм ялгаварлан гадуурхалт нь, цалингийн хэмжээг ч бага тогтооход шууд нөлөөлдөг байна.