Сингапурт албан ёсны айлчлал хийж буй Монгол Улсын Ерөнхий сайд С.Батболд 15.45 цагаас тус улсад ажиллаж, амьдарч буй монголчуудтайгаа уулзлаа. Монголын Элчин сайдын яаманд болсон уг уулзалтын дараагаар буюу яг одоо Монгол Улсын Засгийн газрын тэргүүн Сингапурын Төрийн бодлогын сургуульд зочилж байна. Үүгээр Ерөнхий сайдын Сингапур дахь айлчлалын албан ёсны арга хэмжээ өндөрлөх бөгөөд маргааш өглөө 09.00 цагт тэрбээр дагалдан яваа хүмүүсийн хамт Австралийг зорих юм. Ерөнхий сайд С.Батболд Австралийн Ерөнхий сайд Жулиа Гиллардын урилгаар 19-24-ний өдрүүдэд тус улсад айлчилна.