Москвагийн нэгэн дунд сургуулийн долдугаар ангийн сурагч ОХУ-ын Стоматологийн Их Сургуулийн мэргэжилтнүүдтэй хамтран ер бусын шүдний сойз бүтээлээ. Энэ сойзыг тойрог замд ажиллах сансрын нисэгч нар хэрэглэхэд тохиромжтой юм. Учир нь уг сойз ус шаардахгүй онцлогтойгоос гадна автомат сойзтой адил харагдах гурван товчлуураар ажиллана. Эхний товчлуураар шүдний оо шахагдаж, хоёр дахь товчлуураар  оог шүдний завсарт оруулахгүй микрокомпрессор асах бөгөөд гурав дахь товчлуураар шүд угаасан оог буцаан сорох микро контейнер ажиллах юм.

Энэ сойзыг патентад бүртгэх туршилтыг хийж байгаа тухай Правда сонинд бичжээ. Тойрог замын станцид ус бага байдаг учир усгүйгээр шүдээ угааж болох шинэ сойзыг мэргэжилтнүүд дэмжиж байгаа юм.