Хөвсгөл аймаг 2011 оны мөсний баярыг ирэх гуравдугаар сарын 2-3-ны өдрүүдэд усан онгоцны зогсоолын орчимд зохион байгуулахаар шийдвэрлэлээ. Энэ үеэр Хордил сарьдаг уул, далай ээжийг тахих бөгөөд чаргатай морины уралдаан, цасны сумо, мөсний шагай, бөөгийн буулт зэрэг сонирхолтой үзүүлбэрийг үзэх боломжтой юм. 2000 оноос эхлэн мөсний баярыг жил бүр зохион байгуулах уламжлал тогтсноор гадаадын жуулчид олноор ирэх болсон талаар зохион байгуулагчид онцолж байна.