Буриад улсын гавьяат жүжигчин, “Премьер министр” хамтлагийн дуучин Б.Амархүү  алдарт У.Шекспирийн “Ромео Жуллета” жүжигт тоглохоор болжээ. Улсын драмын эрдмийн театрын тайзнаа мюзикл хэлбэрээр амилах энэхүү жүжгийг хоёр заставаар тоглохоор тус театрын найруулагч Н.Наранбаатар найруулж байгаа юм. Тэрбээр жүжигчдийн сонгон шалгаруулалтаар Амархүүг Ромеод тоглуулахаар сонгожээ. Дуучин Б.Амархүү өнгөрсөн жил “Hero Entertainment”-ийн бүтээсэн “Татар ажиллагаа” инээдмийн уран сайхны кинонд тоглон муугүй жүжигчин болохоо харуулсан юм. Харин энэ удаад драмын тайзнаа хүч сорих нь ээ.