Үүрэн телефоны анхны оператор Мобиком корпораци сар шинийн баярыг тохиолдуулан ахмадуудад Цагаан сарын идээгээр бэлэг барилаа. Тус корпорациас ес дэх жилдээ өгч байгаа ахмадуудын бэлгийг Мобикомын аймгийн салбар өчигдөр гардуулсан юм. Төмөр туулай жилд худалдааны байгууллагад олон жил ажилласан Л.Цэрэннадмид, Г.Цэндсүрэн, Б.Бор, Л.Сумъяажав нарт тавгын идээг нь гардуулсан.

Өндөр настан Сумъяажав гуайн гэрт Сар шинийн идээг нь хүргэж өгсөн юм. Тэднийх сар шинийн босгон дээр шинэ хүн өлгийдөн авсантай нь бид таарлаа. Сумъяажав гуай бэлэг өгсөнд бэлэгшээн баярлаж байгаагаа хэллээ.