Худалдаа, үйлчилгээний бай­гуул­лагууд баярын өдрүүдэд дараах цагийн хуваарийн дагуу ажиллана. Хүнсний дэлгүүрүүд хоёрдугаар сарын 1, 2-нд 09.00-24.00 цагт ажиллаж, хоёрдугаар сарын 3, 4-нд амарч, хоёрдугаар сарын 5-наас эхлэн ердийн цагийн хуваарийн дагуу ажиллана.

“Номин холдинг” ХХК-ны салбар дэлгүүрүүд  хоёрдугаар сарын 1, 2-нд 09.00-22.00 цагт ажиллаж, хоёрдугаар сарын 3-нд амарна. Хоёрдугаар сарын 4-нд “Номин супермаркет”, “Номин агуулах худалдаа” 12.00-18.00 цагт ажиллана. Номингийн бүх сал­барууд хоёрдугаар сарын 5-наас эхлэн ердийн цагийн хуваарийн дагуу ажиллана.

“Боса” сүлжээний дэлгүүрүүд баярын өдрүүдэд амралтгүйгээр 09.00-22.00 цагийн хооронд ер­дийн цагийн хуваарийн дагуу ажиллана.

“Миний дэлгүүр” сүлжээний дэлгүүрүүд хоёрдугаар сарын 1, 2-нд 08.30-22.00, “Миний хайпер­маркет” 08.00-24.00 цаг хүртэл ажиллаж, хоёрдугаар сарын 3, 4-нд амраад, хоёрдугаар сарын 5-наас ердийн цагийн хуваарийн дагуу ажиллана.

“Скай” их дэлгүүр хоёрдугаар сарын 1, 2-нд 10.00-21.00 цагт ажиллаж, “Скай” хайпермаркет хоёрдугаар сарын 2-нд 09.30-20.00 цагт ажиллана. Хоёрдугаар сарын 3, 4, 5-нд амраад, хоёрдугаар са­рын 6-наас эхлэн ердийн цагийн хуваарийн дагуу ажиллана.

“Нарантуул” худалдааны төв хоёрдугаар сарын 1, 2-нд ердийн цагийн хувиараар 10.00-19.00 цагт ажиллаж, хоёрдугаар сарын 3-аас эхлэн хоёрдугаар сарын 15-ныг дуустал амарна. хоёрдугаар сарын 16-с эхлэн ердийн цагийн хувиарийн дагуу ажиллана.

“Хар хорин” худалдааны төв хоёрдугаар сарын 1, 2-нд ердийн цагийн хувиараар бүтэн ажиллаж, хоёрдугаар сарын 3-наас эхлэн хоёр­дугаар сарын 8-ныг хүртэл амарна. Хоёрдугаар сарын 09-с эхлэн ердийн цагийн хуваарийн дагуу ажиллана.
“Барс” худалдааны төв хоёр­дугаар сарын 1, 2-нд  09.00-19.00 цаг хүр­тэл ажиллаж, хоёрдугаар са­рын 3, 4, 5-нд амраад, хоёрдугаар сарын 6-наас эхлэн ердийн цагийн хуваарийн дагуу ажиллана.   

“Хүчит шонхор” худалдааны төв хоёрдугаар сарын 1, 2-нд өглөө 05.00-18.00 цаг хүртэл ажиллаж, хоёрдугаар сарын 3, 4, 5, 6-нд амраад, хоёрдугаар сарын 07-наас эхлэн ердийн цагийн хуваарийн дагуу ажиллана.
“Да хүрээ трейд” техникийн зах хоёрдугаар сарын 1, 2-нд 09.00-15.00 цаг хүртэл ажиллаж, хоёрдугаар сарын 3, 4, 5, 6-нд амраад, хоёрдугаар сарын 07-ноос ердийн цагийн хуваарийн дагуу ажиллана.

Нийтийн тээвэр
Нийтийн зорчигч тээврийн үйлчилгээ шинийн 1, 2 буюу хоёр­дугаар сарын 3, 4-нд 08.00-23.30 минут, шинийн 3, 4 буюу хоёрдугаар сарын 5, 6-нд 08.00-22.30 минут хүртэл ажиллана. Үндсэн чиглэлд 54 чиглэлд их багтаамжийн 618 автобус, троллейбус, туслах 31 чиглэлд  363 бага багтаамжийн автобус, хот орчмын 12 чиглэлд их багтаамжийн 58 автобус, нийт 1039 тээврийн хэрэгсэл үйлчил­гээнд ажиллана. Шархад, 7 буудал, Улиастай, Хужирбулан, Тол­гойт, Чингэлтэй, Дамбадаржаа, Хай­лааст, Дарь эх, Цайз гэсэн чиглэ­лүүдэд бага оврын 36 автобусаар захиалгат үйлчилгээг зохион байгуулна. Нийслэл хотын дотор таксийн үйлчилгээнд 14 аж ахуйн нэгжийн 419 такси шугаманд явуулж, дуудлагаар үйлчилнэ. 36 бага оврын автобус захын гэр хороол­лын 10 чиглэлээс үйлчлэх болно.