Найз нөхөд, гэр бүлийнхний зөвлөгөөг ойшоохгүй байх аргагүй. Гэвч тэд хувийн амьдралд чинь хэтэрхий оролцоод, юу хийхийг чинь заагаад эхлэхийг  та тэвчихгүй нь мэдээж. Ялангуяа анхны ач зээ төрсний дараа өвөө эмээ, авга, нагац нарын хошуу оролцох нь нэмэгдээд ирдэг. Хүүхдээ тэврээд зогсч буй залуу хос тэдний нүдээр өөрсдөө хүүхэд шиг харагддаг болохоор тэр байж ч магад.
Ингэхэд залуу аав ээж нарт тус болох биш бүр залхааж орхидог тэр зүйл юу вэ?

1. "Одоо л унтаж авахгүй бол хүүхэд төрсний дараа огт унтахаа болино шүү”. За тэр харав уу?  Давхар биетэй бүсгүйд байнга хэлдэг зөвлөгөөний  нэг. Гэвч авга эгч минь санаа зоволтгүй. Бүсгүй жирэмсний есөн сарын турш ичсэн баавгай шиг л бөх нойртой болно.

2. "Хүүхдээ унтах үед сайн унтаж ав."  Энэ бол хамаатны хүнээс авахуулаад эмийн сангийн хэрэгт дуртай худалдагч хүртэл хэлдэг зөвлөгөө. Ямар робот биш дээ. Нялх хүүхэд унтсан даруйд эхийн нойр хүрээч үү, үгүй ч үү. Унтахаас өөр хийх ажил байхгүй юм шиг л ярина. Усанд орж, амарч болно шүү дээ.

3. "Хүүхэд чинь өлсөөд байгаа юм биш үү?” Шинэхэн ээжийг хүн болгон л хүүхдээ хөхүүлж чадахгүй байна гэдэг. Хөхүүлж, угжиж байгаа  ямар ч тохиолдолд ингэж хэлдэг. Нялх хүүхэд уйлж  байгааг харсан хүн болгон хөөрхий нярайг эх нь хангалттай хооллож чадахгүй байна гэж боддог байх.

4. "Хүүхдийнхээ бага насыг хайрлаж байхгүй бол тэд таныг ойлгож амжихаас өмнө өсч том болно” Та үүгээрээ цаг хугацаа харвасан сум шиг өнгөрдөг гэх гэсэн үү?  Харин аав ээж нарт бол үүрд энэ хэвээрээ байх юм шиг санагддаг. Тэд хүүхдүүдээ хурдхан том болоосой гэж хүсч байгаа болохоор иймэрхүү зөвлөгөө үйлчлэхгүй.

5. "Хүүхдээ хэтэрхий эрхлүүлээд байгаа юм биш үү?” Хүүхдэд нь юу хэрэгтэй байгааг хэлж өгсөнд аав ээж нар баярлана гэж бодож байна уу? Хүүхэд цурхиртлаа уйлах нь муу гэдгийг олон судалгаа харуулдаг.

6. "Хүүхдээ битгий уйлуул. Шөнө уйлах муу гэдэг" Та хэн ч байлаа гэсэн тухайн айлын нөхцөл байдлыг сайн мэдэхгүй. Хэрэв хүүхэд шөнийн  дөрвөн цагт сэрвэл танд хөгжилтэй байхгүй нь мэдээж.

7. "Гадаа хүйтэн байхад хүүхдээ яагаад авч гараа вэ?” Залуу аав ээж нарын дургүйг хамгийн ихээр хүргэдэг асуулт. Та эгдүүцсэн харцаар шагнуулмааргүй байгаа бол ингэж асуух хэрэггүй. 

8. "Тантай их адилхан юм. Ээжийгээ яг л дуурайсан хүүхэд байна.” Мэдээж  төрүүлсэн үр нь юм чинь адилхан байлгүй яах вэ?  Хүүхдэд аав ээжтэйгээ адилхан байх шалтгаан бий.

9. "Сургууль хүүхдэд ямар ч ашигтай зүйл өгдөггүй. Тэрний оронд гэрээр хичээл заасан нь дээр.” Гэвч хүүхэд үе тэнгийнхээ хүүхдүүдийн дунд байж, мэргэжлийн багш нараас номын дуу сонсох эрхтэй.

10. "Хэрэв би таны оронд байсан бол,” Хэзээ ч битгий ингэж хэлж бай. Энэ бол өнгөрсөн зууны хүүхэд хүмүүжүүлэх арга.