Манай орны ихэнх нутгаар ихээхэн хэмжээний цас орсны улмаас зарим аймагт малын зүй бус хорогдол гарч байна. Өнөөдрийн байдлаар улсын хэмжээнд цагийн байдал хүндэрсэн орон нутаг байхгүй байгаа боловч нийтдээ 17 аймгийн 198 суманд 68 мянга 146 толгой мал зүй бусаар хорогджээ. Хорогдсон малын 7401 нь бод, 60745 бог аж. Түүнчлэн 12 аймгийн 49 суманд мал бэлчээрлэх аргагүй болж, хүндрэх нөхцөл бүрдсэн хэмээн Онцгой байдлын ерөнхий газраас мэдээлж байна.