“Mac”, “iPhone”, “iPad” зэрэг бүтээгдэхүүнүүдийн худалдан авалт нэмэгдсэний ачаар “Apple” компани 2010 оны сүүлийн улиралд олсон ашгаараа рекорд тогтоожээ. Арванхоёрдугаар сарын 25 хүртэлх гурван сарын дотор нийт ашгийн хэмжээ зургаан тэрбум ам.доллар байсан бол орлого 26,74 тэрбум ам.доллараар тооцогдсон байна. Компанийн гүйцэтгэх захирал хэлэхдээ “Баярын улиралд худалдан авалт эрс нэмэгдсэн” гэв. Стийв Жобс даваа гаригт эмчилгээ хийлгэхээр ажлаасаа түр чөлөө авч байгаа гэж мэдээлснээс хойш түүний биеийн байдлын талаар дэлгэрэнгүй мэдээлэл гараагүй байна. Тэрбээр чухал шийдвэр гаргах явдалд гар бие оролцох нь өдөр тутмын ажлыг нь Тим Күүк хариуцан ажиллах юм.

“Apple” компанийн дөрөвдүгээр улирлын орлого өмнөх оны мөн үетэй харьцуулахад 71 хувиар өссөн юм. Компанийн зүгээс 4.13 сая ширхэг “Mac” компьютер зарж, 23 хувийн өсөлттэй байсан бол “iPhone” утас 16,24 сая ширхэг буюу 86 хувиар илүү зарагджээ. Харин уналтын үеэс компанийг аварсан бүтээгдэхүүн болох “iPod”-ын худалдаа долоон хувиар буурч, 19,45 сая ширхэг байсан бол  “iPad” 7,33 ширхэгийг худалдаалсан байна.
Энэ мэдээллийн дараа тус компанийн хувьцааны үнэ дөрвөн хувиар нэмэгдэж, ойролцоогоор 354 ам.доллар болсон байна. Гэвч Жобс ажлаасаа чөлөө авч байгаа гэсэн мэдээлэл гарснаас хойш буюу мягмар гаригийн арилжаа эхлэх үед хувьцааны үнэ 2,2 хувиар буурсан аж. Калифорни мужид байрлалтай тус компанийн ашгийн 62 хувь нь АНУ-аас гадуур, Ази Номхон далайн зах зээлээс ирсэн байна.

Э.Очирт