Иракийн Тикрит хотноо амиа золиослогч биедээ авч явсан бөмбөгөө дэлбэлэх үеэр 50 хүн амиа алдаж, 150 хүн шархаджээ. Тус орны Дотоод хэргийн яамны нэрээ нууцалсан эх сурвалжийн мэдээнээс иш татан Agence France-Presse дамжуулахдаа уг хэрэг мягмар гаригийн өглөөгүүр цагдаагийн ажилтнуудыг элсүүлж байсан байрны дэргэд болжээ.

Амиа золиослогч цагдаад ажилд орохоор дугаарлан зогссон хүмүүсийн дунд орж дэлбэрэлтийг үйлдсэн ба амиа алдагсдын дунд цагдаагийн ажилтнууд ч их байгаа гэнэ.

Өнгөрсөн оны аравдугаар сард Багдадын католик сүмд үйлдсэн аллагаас хойших хамгийн том террор нь энэ болж байна.

Ш.Мягмар