Иргэд энэ сарын 15-аас эхлэн эх орны хувь, хишгийнхээ үгэлжлэл болгож 21 мянган тєгрєг авах болсныг холбогдох албаныхан хэлж  байсан. Гэсэн ч одоо болтол энэхүү мєнгєний санхүүжилт “Хүний хєгжил сан”-д ороогүй байгаа учир 21 мянган тєгрєгєє иргэд хугацаандаа авах эсэх нь эргэлзээтэй хэвээр байгаа юм. Энэ талаар бодит мэдээлэл авах үүднээс Хєдєлмєр, халамжийн үйлчилгээний газрын Халамжийн үйлчилгээний хэлтсийн ахлах мэргэжилтэн Д.Ганчимэгээс  тодруулсан юм.

-“Хүний хөгжил сан”-д 21 мянган төгрөгийн санхүү­жилт орж ирсэн үү?

-Сангийн яаманд 21 мянган төгрөгийн санхүүжилт хүссэн захиал­гаа өгсний дагуу аймаг, дүүргүүдийн тө­рийн санд энэ мөнгө байршсан байгаа. Ха­рин өчигдрөөс эхлэн бүх аймаг, дүүргийн холбогдох арил­жааны банкууд төрийн сан­гаасаа мөнгөө татаж эхлээд бай­на. Өнөөдрөөс эхлэн энэ мөн­гийг олгож эхэлнэ. 

-Энэ сарын санхүүжилтэд нийт хэдэн төгрөг шаард­лагатай байгаа вэ?

-Нийт төсөвлөсөн 720 тэрбум төг­рөгийн санхүүжилт байгаа. Үүнийгээ сар сард нь хуваагаад төрийн санд байршуулна. Ин­гэхээр нэг сарын санхүүжилт 60 орчим тэрбум төгрөг байх юм. 

-Одоогоор энэ мөнгийг хэч­нээн хүн авах боломжтой байна вэ?

-Шинэчилсэн бүртгэлд хамрагдсан, 10 мянган төгрөгөө авсан иргэд одоо залгуулаад 21 мянган төгрөгөө авах эрхтэй. Ямар нэгэн илүү бичиг баримт шаардлагагүй. Урьд нь 10 мянган төгрөгөө хэрхэн авч байсан түүний адилаар л авах юм. Одоогоор 21 мянган төгрөгөө авах эрх нь үүссэн хоёр сая 200 мянган  хүн байна.

-Энэ мөнгөө харьяа хорооноосоо авах уу. Эсвэл онлайнаар авах боломжтой юу?

-Хөдөлмөр халамж үйлчилгээний газар, арилжааны банкууд, төрийн сан нийлээд гурвалсан гэрээ байгуулдаг юм. Гэрээг сангийн Сайд баталдаг. Тус гэрээний журмын дагуу тендер зарлаж, тендерт ялсан гурван банк байдаг. ХААН, Хадгаламж, Капитал банкаар энэхүү мөнгийг олгож байгаа. Тухайн мөнгө тарааж байгаа банкууд хэрхэн мөнгөө тараахаа шийднэ. Ер нь бол Хадгаламж банкнаас бусад нь онлайн сүлжээнд холбогдсон байгаа.

Хөдөлмөр халамж үйлчил­гээний газраас ийм мэдээлэл өгсөн юм. Харин бид Сүхбаатар дүүрэгт байрлах ХААН банкны “Зуун  айл” тооцооны төвөөр орж хэзээнээс 21 мянган төгрөгөө тараах тухай асуухад “Маргааш энэ мөнгийг тарааж эхэлнэ. Өнгөрсөн оны арванхоёрдугаар  сарын 3-наас эхлэн халамж болон эх орны хишиг хувийг олгох гүйлгээг офлайнаар хийх болсон. Тиймээс манай төвөөр зөвхөн Сүхбаатар дүүргийн 10 хорооний иргэд хишиг хувиа авна. Иргэдийн хувьд өөрийн харьяа хорооноосоо мөнгө авах хэрэгтэй” гэсэн мэдээлэл өгч байлаа.

Зохиогчийн эрх: