Утаанбаатарын тухай ме­лод­рам өнгөрсөн долоо хо­­ног­жин үргэлжиллээ. Улсын­­хаа тэргүүнээс эхлээд хо­­роо­ны жирийн иргэн хүр­тэл нийслэлийн агаарыг бо­хирдуулагч мөнөөх “Хий үзэгдэл”-ийн тухай ярьж, ну­лимс унагах нь холгүй байв. Гэвч утаа биш, та минь ээ. Хүмүүс, тэр дундаа гэр хорооллынхонд хамаг учир байна. Буруу төлөвлөж анх байгуулсан, одоо бол ямар ч маршрутгүй, ердөө л бохир бөөгнөрөл болон хувирсан нийс­лэлийн иргэдийг цом­хот­гох цаг болжээ. “Улаанбаатар бол нэг сая гаруй хүн амтай метрополис хот” хэмээн хөөр­цөглөлгүйгээр энэ хотод их цэвэрлэгээ хийе. Хүн ам, орон сууцны тооллогын үеэр нийслэлчүүдийн 62 хувь нь гэр хороололд амьдардаг тухай холбогдох газрууд мэдээлсэн. Мэдээж хэрэг, тэдний ихэнх хувийг орон нутгаас шилжин ирэгсэд эзэлдэг. Эрхэлсэн ажил­гүй, албан ёсны хаяг­гүй ёстой л “Зээлжих” ир­гэншилтэй тэд гарт таарснаа түлж, хотын утаанд хандив өргөдөг нь ойлгомжтой. Тий­мээс хотын удирдлагууд нийс­лэлийн иргэдээс татвар авах тухай асуудлыг дахин хөндөв. Өнгөрсөн оны өдийд л “Улаанбаатарын иргэн бүрээс 500 мянган төгрөгийн татвар авах юм гэнэ” хэмээх сураг дуулдсан ч тэд хэрэгжүүлэлгүй хав дарсан. Харин энэ удаад мартсан зүйлийг нь чухам юу сануулсан юм бүү мэд хотын хүн амын хэт төвлөрөлтэй эдийн засгийн аргаар тэмцэхээ мэдэгдлээ. Зөв. Сингапурыг утаагүй цэвэр агаартай, хүмүүс нь элдэв стресст ордоггүй, төр нь иргэдээ ¹1-д тавьдаг л гэдэг. Улаанбаатарыг ч гэсэн тийм болгох “наян” арга бий. Тэдгээрийн нэг нь хүн амын төвлөрлийг бууруулж, энэ хотыг эмх цэгцтэй болгох явдал юм. Хотын иргэн болох хүсэлтнүүд нь татвараа төлөг. Татвараа төлж чадахгүй хүмүүс нь дөрвөн уулын дундаас гарч, Монголынхоо хаа нэгтээ багтаж шингээд амьдарна л биз. Тэгээд ч нийслэлчүүд энэ онд 152.9 тэрбум төгрөг буюу өмнөх оныхоос 57.9 тэрбум төгрөг илүү зарлагадна. Тий­мээс эдийн засгийн хувьс­галаа шалавхан эхлээрэй, Улаан­баатарыг удирдагчид аа. Тэгэхгүй бол эдийн засгийн хувьсгал хэмээх үгийн зо­хиогчийн эрхийг Ардчилсан намынхан авчихсан байна лээ шүү. Ер нь иймэрхүү хувьсгалыг хэр далайцтай хийдгээрээ тус намынхантай өрсөлдөхөд болохгүй нь юу байх вэ. Гэхдээ эхлээд наад гэр хорооллынхноо хар даа. Харж завдаагүй байхад тань хаа нэгтээгээс хэн нэгэн угаадас цацах вий. SOS!     

Зохиогчийн эрх:
"Улс төрийн тойм" сонин