Поп опера урсгалаар уран бүтээлээ туурвидаг “Ньюанс” хамтлагийн жил бүрийн гуравдугаар сарын 24-нд буюу олон улсын театрын өдөр тоглолтоо хийдэг уламжлалтай. Тэгвэл тус хамтлагийнхан энэ жил 10 нас хүрч байгаа аж. Иймд хамтлагийнхаа 10 насны төрсөн өдрийг энэ сарын 23, 24-нд тэмдэглэх гэж байна. Тэд Улсын дуурь бүжгийн эрдмийн театрт бие даасан тоглолтоо хийх бөгөөд аль хэдийнэ тоглолтын бэлтгэл ажилдаа орсон гэнэ. Тэд өнгөрсөн жил “Анжелина” нэртэй тоглолтоо хийсэн бөгөөд тус тоглолтоо орон нутгийнханд хүргээд байгаа юм.