Нохой устгал Дархан-Уул аймгийн хэмжээнд хожуу эхэлсэн хэдий ч өнөөдрийг хүртэл гудамжны тэнэмэл нохойны тоо буурахгүй байгаа юм. Хамгийн сүүлийн жишээ дурьдвал өчигдөр оройны 22 цагийн орчимд амь авраарай гэх эмэгтэй хүний дуунаар Онцгой байдлын газрын жижүүр гарч харвал бүлэглэсэн нохой нэг эмэгтэй хүн рүү дайрч байв. Тухайн үед уг эмэгтэй ухаан алдсан байдалтай байсныг яаралтай тусламж дуудан, цагдаад мэдэгджээ. Найман нохой байсан, тэдгээрийн гурав нь айлын тэжээвэр нохой байсан гэх мэдээлэл байгаа аж.