"Apple""-ийн iPad, "Samsung""-ын Galaxy
Tab зэрэг электрон самбарын худалдааны орлого 2010 онд 16 тэрбум
ам.долларт хүрчээ. Электрон самбар буюу бичил компьютерийн худалдаа 2014
онд 46 тэрбум ам.долларт хүрнэ гэж АНУ-ын технологи судалгааны "Yankee"
группээс мэдээлэв. Электрон самбарын эрэлт ирэх онуудад mp З
тоглуулагч, зөөврийн электрон тоглох хэрэгсэл, өндөр нягтралтай
телевизороос хурдан өсөх гэнэ. Уг групийн судалгаагаар 2010 онд дэлхий
даяар зарагдсан нийт электрон самбарын 37 хувь нь Хойд Америкт
борлогдсон байна. Гэхдээ 2014 онд Хойд Америкт энэ үзүүлэлт 17 хувиар
буурч Хятадад нэмэгдэх аж. Ингэснээр Хятад дэлхийд үйлдвэрлэгдэх нийт
электрон самбарын 58 хувийг шингээх гэнэ.

Эх сурвалж: “Компьютер таймс”