Хойд Америк ба Европын авто зах зээл  саяхныг хүртэл нэлээд ялгагдаж байв. Хөгшин Европт авсаархан, хэмнэлттэй, өндөр технологийн машинууд дээгүүр тавигддаг байсан бол далайн чанадад bigger is better зарчим үйлчилдэг. Хэрэв жижигдүү загварыг авах бол энгийн бөгөөд хямд нь үйлчлүүлэгч нарт таатай байлаа. Ингээд л Ford концерн сүүлийн үе хүртлээ янз бүрийн кроссовер-машинаа тивүүдээр тарааж байв. Үйлдвэрлэлээс гарсан Mazda Tribute  машины суурин дээр босгосон  энгийн Escape загварыг Хойд Америкт, арай илүү орчин үеийн технологи сайтай  Kuga загвараа Европт санал болгож байв. Хэдхэн жилийн өмнө эхэлсэн эдийн засгийн хүндрэл нь худалдан авагчдын сонголтыг ойртуулж өглөө. “Куга”, “Эскейп” хоёрын оронд олон талын зориулттай нэг загвар орж ирнэ. Ирээдүйн тэр загварын жижиг болох Vertrek машиныг Детройтын авто салон дээр Ford танилцуулжээ.

Гадна талаасаа кроссвер нь америк жиип ба европын бүрэн мацалттай машиныг санагдуулам. Загваруудыг хольсон нь амжилттай болж, аль аль талдаа таалагдах хэмжээнд очжээ. Интерьерыг нь таван жилийн өмнө өмнөхийг үгүйсгэн гарч ирсэн футур гэж хэлэхээр бөгөөд үйлдвэрийн дамжлагад орох цагаар нэг их өөрчлөгдөхгүй болов уу. Мөн л ийм стилиэр  Ford  сүүлийн шинэ загваруудаа гоёж байгаа.

Vertrek хувилбарын суурь нь даяарчлалын шинэ  “C” ангиллынх. Тэрбээр шинэ “Фокус” мөн мини вэн C-Max загваруудтэй нийтлэг нэг янзынх болж байна. Энэ төхөөрөмжийн баазыг жил тутам хоёр саяар хувилагдах арван  Ford загваруудад ашиглах ажээ. Үзэсгэлэнгийн жишигт 1,6 литрийн EcoBoost ангиллын турбинт хөдөлгүүрийг тавьсан байв. Түүний хүчин чадал нь 150-180 морины хүчинд хэлбэлзэж байна. Харин ямар хувилбар нь “Вертрек”-т тавигдах нь тодорхойгүй. Үүний зэрэгцээ Европын зах зээлд хоёр литрийн багтаамжтай дизель хөдөлгүүртэй машиныг гаргах бололтой.

Үйлдвэрийн дамжлагаас гарах Ford Vertrek загварын машинуудыг дэлхий даяар худалдах бөгөөд компанийн тооцоогоор ихэнхийг нь Америк, Хятадын зах зээлд гаргах ажээ. Шинэ машин дилерийн төвүүдэд 2012 оноос гарч ирнэ.