Испанийн Ла
лигийн 19-р тойргийн сүүлийн тоглолт өнгөрсөн шөнө “Атлетико Мадрид”, “Мальорка” багуудын хооронд
боллоо. Мадридын Висенте Калдерон цэнгэлдэхэд аль нь зургадугаарт байрт
бичигдэх вэ гэсэн нэрийн дор хоёр баг тоглосон. Ижилхэн оноотой байсан учир
тоглолт маш ширүүн эхэлж, талбайн эзэд
эхний хагасын 13 дахь минутад эхний гоолыг оруулсан байна. Хосе Антонио Рейесын
булангаас дамжуулсан бөмбөгийг Хуан Валера мөргөж, тооны харьцааг 1:0
болгожээ. Дараагийн гоол нь мөн л “Атлетико”-гийх
байлаа. Сөрөг довтолгоонд орсон Меридагийн
дамжуулалтаар Диего Форлан гоолдож, тооны харьцааг 2:0 болгосон байна. Тэрбээр
Мальоркагийн хаалгач Дуду Аватийн хаалганд улирлын долоо дахь гоолоо оруулсан
юм. Ингэснээр эхний хагасыг талбайн эзэд илүүрхсэн бол хоёрдугаар хагас эхлээд 20 гаруй минут өнгөрч байхад зочин багт тоог ойртуулах боломж олдсон юм. Учир
нь “Атлетико”-гийн ахлагч Антонио Лопес “Мальорк”-агийн хагас Эмилио Нсуег 16
метрийн торгуулийн талбайд унагааж, улмаар улаан карт авснаар талбайн эзэд хүн дутуу болсон байна. Ингээд 11 метрийн цохилтыг Пиерре
Вебо гүйцэтгэсэн ч, түүний цохилтыг хаалгач Дэвид де Хеа амжилттай хамгаалж
чадсан байна. “Мальорка”-гийн хагас хамгаалагч Жонатан де Кузман Хуанфранийг торгуулын
талбайдаа санаатай унагаасан байна. Энэ үйлдлийнхээ төлөө тэрбээр улаан хуудас авснаар хоёр баг
адилхан 10 хүнтэй болжээ. Ингээд шүүгчийн мэдлийн цагт буюу 94 дахь минутад Диего Коштагийн дамжуулалтаар
Хосе Антонио Рейес тоглолтын эцсийн цэгийг тавьснаар “Атлетико Мадрид” 3:0-ээр “Мальорка”-г
буулган авлаа. Ингэснээр тэд 30 оноотой зургадугаар байрт бичигдэх болсон
байна. Харин “Мальорка” 27 оноотой есдүгээр байрт хэвээр үлдлээ.
Ла лигийн явц:
М | Клуб | Тоглолт | Хожил | Тэнцээ | Хожигдол | Гоол | Оноо |
1 | БАРСЕЛОНА | 19 | 17 | 1 | 1 | 61-11 | 52 |
2 | РЕАЛ МАДРИД | 19 | 15 | 3 | 1 | 47-17 | 48 |
3 | ВИЛЬЯРРЕАЛ | 19 | 12 | 3 | 4 | 38-20 | 39 |
4 | ВАЛЕНСИЯ | 19 | 11 | 4 | 4 | 29-20 | 37 |
5 | ЭСПАНЬОЛ | 19 | 11 | 1 | 7 | 25-25 | 34 |
6 | АТЛЕТИКО | 19 | 9 | 3 | 7 | 31-23 | 30 |
7 | АТЛЕТИК | 19 | 9 | 2 | 8 | 29-31 | 29 |
8 | ХЕТАФЕ | 19 | 8 | 3 | 8 | 28-29 | 27 |
9 | МАЛЬОРКА | 19 | 8 | 3 | 8 | 23-24 | 27 |
10 | СЕВИЛЬЯ | 19 | 8 | 2 | 9 | 26-31 | 26 |
11 | РЕАЛ СОСЬЕДАД | 19 | 8 | 1 | 10 | 29-31 | 25 |
12 | ЭРКУЛЕС | 19 | 6 | 4 | 9 | 22-28 | 22 |
13 | ДЕПОРТИВО | 19 | 5 | 6 | 8 | 15-26 | 21 |
14 | РАСИНГ | 19 | 5 | 5 | 9 | 15-26 | 20 |
15 | ОСАСУНА | 19 | 4 | 6 | 9 | 17-25 | 18 |
16 | МАЛАГА | 19 | 5 | 2 | 12 | 24-41 | 17 |
17 | СПОРТИНГ | 19 | 3 | 7 | 9 | 17-27 | 16 |
18 | САРАГОСА | 19 | 3 | 7 | 9 | 17-32 | 16 |
19 | ЛЕВАНТЕ | 19 | 4 | 3 | 12 | 19-30 | 15 |
20 | АЛЬМЕРИЯ | 19 | 2 | 8 | 9 | 17-32 | 14 |
Score Studio