Оюутны сургалтын төлбөр хэлбэрээр өгдөг Төрийн сангийн зээлийн тухай хуульд өөрчлөлт орохоор болсон. Мөн Дээд боловсролын санхүүжилтийн тухай хуулийн төслийг Ерөнхийлөгч санаачилсан бөгөөд дээрх хоёр хуулийг хооронд нь зохицуулахаар УИХ-ын Нийгмийн бодлого, боловсрол, соёл, шинжлэх ухааны байнгын хорооноос ажлын хэсэг гарч ажиллаж байгаа гэнэ. Төрийн сангийн зээлийг сурлагын амжилт гаргасан оюутанд өгдөг тэтгэлэг болгох шийдвэрт хүрээд буй. Уг нь амьдралын баталгаа доогуур болон малчин өрхийн хүүхдүүд уг зээлд хамрагддаг байсан юм.
Ж.ГЭГЭЭ