Энэ сарын 5-нд   нийслэл хотын хэмжээнд эхэлсэн  Цэргийн шинэчилсэн бүртгэлийн хугацаа өнөөдөр дуусна. Нийслэлийн  бүх дүүргийн хэмжээнд 13 хоног үргэлжилж буй  цэргийн бүртгэлд  18-50  насны эрэгтэйчүүдээс гадна   цэргийн алба хаасан болон  бэлтгэл  офицер, генералууд  ч бүртгүүлэх боломжтой аж.  Бүртгэлийг нийслэлийн есөн дүүргийн хороод дээр зохион байгуулж байна. Нийслэлийн Засаг даргын захирамжийн  дагуу гүйцэтгэж буй цэргийн бүртгэлд өмнө нь бүртгүүлээгүй иргэнд ч торгууль оногдуулахгүй  аж.  Өмнөх жилүүдэд  350 орчим  мянган эрэгтэй цэргийн бүртгэлд хамрагдаж байжээ. Цэргийн шинэчилсэн бүртгэл орон нутагт мөн явагдаж байна.