УИХ-ын гишүүн Ц.Сэдванчиг өнөөдөр УИХ-ын дарга Д.Дэмбэрэлтэй уулзах үеэрээ Эрдэс баялаг, эрчим хүчний сайд Д.Зоригтод хариуцлага тооцохоор шинэ оны өмнө өргөн мэдүүлсэн өргөх бичгийнхээ тухай ярилцсан байна. Ингэхдээ  дээрх бичгийг татахгүй. Харин УИХ, Засгийн газар хариуцлага алдсан хүмүүстээ зохих хариуцлагыг хүлээлгэх ёстой. Тэр дундаа хуулиа хэрэгжүүлэх үүрэг хүлээсэн сайд хариуцлага алдсан байхад шийтгэл ногдуулахгүй байх нь УИХ хуулийг хэрэгжүүлэх ёстой гэж ярих нь учир дутагдалтай тул, Эрдэс баялаг эрчим хүчний сайд Д.Зоригтын асуудлыг даруй шийдвэрлэх ёстой гэдгийг онцлон сануулжээ.