Тунисээс эхэлсэн ард­чил­лын төлөөх хувьсгал Египет, Йордан, Йемен, Алжирт халд­­варлан Египетийн Ерөн­хий­лөгч Хосни Мубарак, Ту­нисын Ерөнхийлөгч Зин эль-Абидин Бен Али нар ог­цорч дэлхийн анхаарлыг та­таж ча­дав. Хувьсгал гара­хад голлох нөлөө үзүүл­сэн гэх “Викиликс”-ийг үндэс­лэгч Жулиан Ассанжийн ний­тэл­сэн мэдээллүүд хэр үнэн бодитой байсныг одоохондоо хэн ч хэлж мэдэхгүй. Гэхдээ л тунисчууд эрх чөлөөгөө олж авахын  төлөө жагсаал зохион бай­гуулж төрийн эргэлт хийж чадлаа. Тэд “Ардчилал” гэ­сэн нэгэн том зорилгын дор хамт зогсч, болохгүй бүх­нийг эсэргүүцэн жагсав. Гэ­тэл Монголд олон жагсаал болдог ч үр дүнд хүрдэггүй нь сонин санагдаад байгаа юм. Тухайлбал Г.Баасангаар удир­дуулсан Монголын чө­­лөөт ахмадын холбооны ах­ма­дууд нэг хэсэг сүртэй жагсч байснаа сүүлийн үед сураг тасрав. “Даяар Монгол”, “Хөх Монгол” хөдөлгөөнүүд нэг хэсэг хятадуудтай ойр байсан хүмүүсийн үсийг хусна гэж баахан сүржигнэж байгаад сураггүй болсон. О.Магнай, Б.Батзандан нар өдөр бүр жагсч байгаад сүүлдээ намд элсээд чимээгүй болчихож. Өнгөрсөн хавар Амлалт нэхэх ард түмний хөдөлгөөн гэгчийг байгуулан муурч унатлаа өлсгөлөн зарлаж анхаарал татсан ч удалгүй таг чиг болсон. Жагсаал, цуглаан зохион байгуулах идэвх, санаачилгаараа ма­най улс дэлхийд дээгүүрт орж магадгүй ч үр дүнд хүр­дэггүй, зорилгогүй жаг­саг­чидтайгаараа сүүл мушгиж магадгүй шүү. Ядахдаа л тунисчууд шиг байж бол­доггүй л юм байх даа. Тэд чадаж байна шүү дээ. Гэхдээ бодоод байхаар нэг бол бид мунхаг, эсвэл тэд мунхаг юм шиг байна. Учир нь манай жагсагчид олны танил болж аваад аль нэг албан тушаалд очмогцоо чимээгүй болчихдог. Гэтэл тунисчууд, египетчүүд нэг зүтгэсэн бол муйхарласаар байгаад эцсийг нь үзэж чадаж байна. Харин энэ дунд хэн нь ялаад, ялагдаад байгааг юугаар хэмжих ёстой юм бол. Яадаг ч байсан бид, эсвэл тэд мунхаг болж таарах нь. 

Зохиогчийн эрх:
"Улс төрийн тойм" сонин