Үл танигдах хакерууд БНАСАУ-ын албан ёсны Twitter-аккаунтыг эвдлэн орж Ким Чен Ирийн дэглэмийг унагах уриалга байрлуулжээ.
Уриалгад тус орны намын дээд удирдлага 24 сая хүнээ мөлжин баяжиж, цөмийн зэвсэг бүтээж байна гэсэн байв. “Шинэ ертөнцийг байгуулж, ард түмний заналт дайсан Ким Чен Ир ба түүний хүү Ким Чон Ын нарыг үндсээр нь ухан зайлуулья!” гэж нэг мэдэгдэлд нь бичсэн байлаа. Үүний зэрэгцээ YouTube дэх БНАСАУ-ын хуудсыг бас эвдлэн орсон байв. Тэнд хакерууд тус орны эцэг, хүү хоёр лидерийг алуурчин, баячууд болгосон хүүхэлдэйн кино тавьжээ.
Хойд Солонгосын албан ёсны интернэт хуудсанд нэвтэрсэн нь Ким Чон Ын-ын төрсөн өдрийн “бэлэг” бололтой.
Ш.САМБУУ