Монголын нийтийн цэнгээнт бүжгийн холбоо Монгол улсад нийтийн цэнгээнт бүжгийг зохион байгуулах, удирдах, хөгжүүлэх зорилгоор 2010 онд байгуулагджээ. Тус холбоо нь МБСХ-ны гишүүн байгууллага юм. Ерөнхийлөгчөөр МБСХ-ны дэд ерөнхийлөгч, МУ-ын гавъяат багш Ч.Жаргалсайхан ажиллаж байна.
 

Байгууллагын зорилго:

1.    Монголын нийтийн бүжгийн одоогийн хэлбэрийг орчин үеийн цэнгээнт бүжгийн барилт, байрлал, техник оруулан сайжруулах.

2.    Нийтийн цэнгээнт бүжгийн салса, мамбо, меренге, вальс бостон, нийтийн фокстрот зэрэг дэлхий дээр хүлээн зөвшөөрөгдсөн төрлүүдийг өөрийн оронд нэвтрүүлэн дэлгэрүүлэх.

3.    Орчин үеийн вальс, танго, венийн вальс, фокстрот, квикстеп, самба, ча ча ча, румба, пасодобль, жайв гэсэн бүжгийн спортын 10 бүжгийн нийтийн хэлбэрийг дэлгэрүүлэх.

4.    Ахмадын бүжгийн спортыг бий болгож, дотоодын бүжгийн спортын тэмцээний нэг насны ангилал болгон хөгжүүлэх.

5.    Улмаар Бүжгийн спортын Ахмад насны ангилалын Олон улс, тив, дэлхийн тэмцээнүүдэд оролцож эх орныхоо нэрийг гаргах.