Италийн шигшээгийн довтлогч Марио Балотелли, Англид ирээд “уяанаасаа алдуурсан нохой” шиг л байгаа гэнэ. Хар арьстан голеадор хөлбөмбөг тоглодогт эргэлзэх зүйлгүй, харин шинэ нутагт эмэгтэйчүүдтэй харилцахдаа улам ч задгай болжээ. Тэрээр саяхан «Том ах» реалити-шоугийн ялагч Софи Ридтай  (гэрэл зурагт), найзлаад авсан ч тэр том хөхтэй бүсгүй Мариод хүрэлцээгүй учраас өөр хоёр ч бүсгүйчүүдтэй зугаалж байсан нь мэдэгдэлгүй өнгөрсөнгүй.

Мөн өөрийн Twitter дээр Софи нэгэн үдэшлэгээс түүний найз Фэй Иветт гэдэг эмэгтэйг дагаад явсан Балотеллийн тухай бодсноо шулуухан хэлээд тавьсан нь ч анзаарагдалгүйгээр өнгөрсөнгүй. Баахан уур уцаараа гаргасны дараа Софи «Зарим хүмүүс ичих нүүрэндээ элгээ нааснаас гадна бас аймхай» гэсэн дүгнэлтээ Мариод зориулсан байлаа.

Гэлээ ч Марио Фэйн тэврэлтэд удаан байсангүй. Хэд хоногийн дараа түүнийг Манчестерт нэгэн цайвар үстэй бүсгүйтэй явж байсныг харжээ. Өнгөрсөн намар тэрээр Мелисса Кастаньоли, бас Арианна Некки нартай жиг ургуулсан дуулиантай. Бас түүний Италид хаяад явсан Барбара Гуэрра, Карла Вели дээр нь арваад үзэсгэлэнтэй бүсгүйчүүд байгаа… Нэг үгээр Мариод хөлбөмбөг үү эсвэл бүсгүйчүүд үү гэсэн сонголт хийгдээгүй л байгаа бололтой. Одоо тэрээр бэртлээ эмчлүүлээд тоглоогүй байгаа гэхээр түүнд харж асрах бүсгүйчүүд илүү хэрэгтэй нь ойлгомжтой.