Саяхан баталсан шатахууны үнийг нэмэгдүүлэх шийдвэрээ Пакистаны Засгийн газар буцаах болжээ. Энэ нь сөрөг хүчнийхний эсэргүүцэлтэй холбоотой аж. Сөрөг хүчний “Muttahida Quami” хөдөлгөөн шатахуун болон керосины үнийг есөн хувиар нэмэгдүүлэх болсон нь иргэдийн нуруун дээр дааж чадахгүй ачаа тавьж буй хэрэг хэмээн үзэж, ням гаригт Засгийн газрыг орхисон юм. Энэ дагуу Ерөнхий сайд Юсуф Раза Гиланиг энэ шийдвэрээ буцаах ёстой гэсэн мэдэгдэл хийж, үгүй бол олон нийтийн санал асуулга зохион байгуулах болно гэсэн байна. Засгийн газрын хувьд Олон улсын валютын сангийн шаардаж буй эдийн засгийн бодлогуудыг хэрэгжүүлэхээр хичээж байгаа юм.

Одоо худалдааны шинэчилсэн ерөнхий татварыг хүчин төгөлдөр болгох явдлыг хойлуулаад байгаа юм. ОУВС 2008 онд Пакистанд 11 тэрбум ам.долларын зээл олгохоор шийдвэрлэсний дагуу тус улс зардлаа татаж, төсвийн алдагдлыг бууруулах ёстой аж.