Өнгөрсөн жилийн аравдугаар сард Баянбүрдээс 100 айл хүртэлх замыг хааж шинэчлэн тавьсан билээ. Харин энэхүү зам ашиглалтад ороод төд удалгүй эвдэрч иргэдийн ундууцлыг хүргээд байсан. Үүнийг хотын удирдлагууд тайлбарлахдаа өнгөлгөө хучилтыг хийгээгүй байгаа гэх тайлбарыг өгч байлаа. Тэдний хэлсэн үнэн болж энэ сарын 15-наас эхлэн тус замыг хэсэгчлэн хааж өнгөлгөө хучилтыг нь хийхээр болсон байна. Тус замыг ойролцоогоор 20 орчим хоног хэсэгчлэн хаах гэнэ. Дашрамд дурдахад энэ жил улсын төсвийн хөрөнгөөр нийслэлийн 50 киломерт авто замыг засварлах юм байна. 

Л.ХАЛИУ