“Х-АRТ” продакшн цэцэрлэгийн насны хүүхдүүдэд зориулж “Үлгэрийн хотхонд” нэртэй жүжгээ толилуулж эхэлжээ. Хүүхдийн нас сэтгэхүй, сонирхолд нийцсэн эл жүжгийг хүүхэд багачууд амтархан үзэж байгаа гэнэ. Энэхүү жүжгийн зохиолыг Б.Жигжидсүрэн бичиж, найруулагчаар нь Ө.Мэндсайхан ажиллажээ. Тус продакшн жүжгээ нүүдлийн маягаар цэцэрлэгүүдээр захиалгаар явж тоглож байгаа аж. Жүжигт тус продакшны жүжигчид болон залуу уран бүтээлчид тоглосон байна.