Нийслэл Улаанбаатар хот хэдий хэрийн хөрөнгөтэйг хамгийн сүүлд 2009 онд тоолж тооцсон юм байна. Уг тооллогоор нийслэл хотод нэг их наяд 159 тэрбум төгрөгийн хөрөнгө бүртгэгджээ. Тиймээс нийслэлийн Өмчийн газраас 2011 онд Улаанбаатар хотын авто зам болон гүүрэн байгууламжийг тоолох, барилгууд болон тоног төхөөрөмжийг паспортжуулах ажлыг хийхээр төлөвлөсөн байна. Түүнчлэн энэ онд нийслэлийн хэмжээнд өнгөрсөн оныхоос нэг дахин урт зам тавихын дээр долоон дүүрэгт бассейн бүхий спорт цогцолбор байгуулж, таван газарт нүхэн гарц хийх юм байна.