Улсын нууц задруулсан Ц.Жаргалсайханы хэргийг Дээд шүүхийн Эрүүгийн танхимын шүүгч нар  өнөөдөр хянан хэлэлцээд эцсийн шийдвэрийг гаргалаа. Эх орноосоо урвасан, гадаадын тагнуулын байгууллагад нууцын зэрэглэлтэй мэдээлэл дамжуулсан хэрэгт холбогдуулан шалгаж, гэм буруутайг нь тогтоосон бөгөөд анхан ба  нийслэлийн Шүүхээс 17 жилийн хорих ялаар шийтгээд байсан юм. Дээрх шийдвэрийг эсэргүүцэн тэрбээр Улсын дээд шүүхэд хандсан учраас тус шүүхээс өмнөх шатны шүүхийн шийдвэрийг хүндэдсэн гэж үзээд Эрүүгийн хуулийн 87-гийн 1-ээр зүйлчилж, таван жилийн хорих ял ногдууллаа.