“Карибийн тэнгисийн дээрэмчин”, “Бөгжний эзэн” зэрэг киногоор олны танил болсон Холливуудын нэрт жүжигчин Орландо Блум зар сурталчилгааны салбарт хөл тавьлаа. Тэрбээр алдар Hugo Boss-ын энэ онд худалдаанд гаргаж эхлэх гэж байгаа BOSS Orange Man сүрчгийг сурталчлах нүүр царайгаар сонгогджээ. Зар сурталчилгааны зураг авалт дуусаад байгаа ба гэрэл зурагчнаар нь Стивен Клейн ажилласан байна. Уг сурталчилгааны эхний хоёр зурагт хуудас нийтлэгдээд байна.
Уг сүрчиг нь алим, ванилла болон бубинга хэмээх өвөрмөц модны үнэрийг агуулснаараа онцлог аж. Эрчүүдийн нууцлаг, ихэмсэг дүр төрхийг тодотгоно хэмээн тодорхойлогдоод буй уг сүрчиг удахгүй худалдаанд гарна.
Н.Наран