Өдгөө 52 настай нэрт жүжигчин Alec Baldwin Холливуудын алдрын гудамжинд өөрийн нэр бүхий одтой боллоо. Түүний алдрын од экс эхнэр Kim Basinger-ын одтой тун ойрхон байрласан байна.

“Би энэхүү алдарт гудамжинд өөрийн нэрээ мөнхөлж байгаад туйлын их баяртай байна. Олон жил телевиз болон кинондоо үнэнч байсны минь шагнал гэж бодож байна. Мөн эхнэр бид хоёрын од ийм ойрхон байгаа нь охинд маань их сайхан байх шиг байна” хэмээн сэтгэгдлээ хуваалцжээ.

Тэрбээр олон кинонд дүр бүтээж байсан ч телевизийн цуврал кино болон шоу нэврүүлгүүдээрээ олон шагналын эзэн болж байсан юм.